По победите во ЕХФ лигата на шампионите овој викенд, двата тима, Вардар и Мешков ќе се обидат да ја продолжат победничката атмосфера на нивниот меч од СЕХА Газпром лигата закажан за во среда (17,45 ч.) во Скопје.

Пред неколку дена Вардар постигна извонредна победа против Кјелце, а Мешков го победи Порто и двата тима остануваат во самиот врв во нивните групи. Исто како и во претходните сезони во СЕХА Газпром лигата, се очекува неизвесен и тежок натпревар за двата тима кои се конкуренти за настап на СЕХА Ф4 турнирот.

Пред десет дена Вардар го загуби првиот натпревар сезонава во СЕХА лигата од ППД Загреб, 25-30, но сега домашните ракометари се во победничко расположение, и сакаат истото да го покажат на терен.

Во претходните три сезони во СЕХА Газпром лигата, Вардар и Мешков имаат одиграно вкупно осум натпревари меѓусебе. Македонскиот првак победи на пет натпревари, вклучувајќи го и финалето на Ф4 турнирот во 2013 година во Скопје. Минатата сезона на трите одиграни натпревари, двапати победи Мешков.

Традицијата вели дека во Скопје бодовите секогаш ги освојувале домаќините, и на сите четири натпревари победиле играчите на Вардар.

Вардар има проблеми со повреди на некои играчи. Алем Тоскиќ нема да биде во составот, а неизвесно е и играњето на Тимур Дибиров и Данил Шишкарев. На листата на повредени се уште и Стојанче Столов и Александр Деревен.

Раул Гонзалез - тренер на Вардар

- Ќе играме со Мешков, кој што е добара тим со неколку одлични ракометари. Ова е важен натпревар за мојот тим бидејќи тие се еден од најдобрите тимови во СЕХА Газпром лигата, и наш ривал за Ф4 турнирот сезонава. Постигнавме значајна победа против Кјелце во саботата со наша најдобра партија досега во ЕХФ лигата на шампионите, но ние сме малку уморни и имаме некои повредени играчи после тој натпревар. Наша предност е домашниот терен и очекувам нашиот тим да добие голема подршка од навивачите и да освоиме бодови.

Филип Лазаров

- Се согласувам со мојот тренер, ние сме пред мажен натпревар во СЕХА Газпром лигата. Утре ќе мора да играме против Мешков, тим составен од играчи што заслужуваат на играат во една од најдобрите две групи во лигата на шампионите. Имаат солиден ростер на играчи, играат уште подобро со новиот тренер и ќе имаме тешка задача против нив. Ние имаме некои повредени играчи, но исто така имаме и играчи што се способни да победат на натпреварот. Мораме позитивно да размислуваме бидејќи ние сакаме да победиме, особено против тим што е сериозен претенден за настап на Ф4 турнирот.

Сергеј Бебешко - тренер на Мешков

- Имавме најдобра партија минатата сабота сезонава со голема поддршка од навивачите. Се разбира тоа ни помогна да победиме на натпревар од ЕХФ лигата на шампионите. Сега патуваме за Скопје и ова ќе биде многу тежок натпревар. Затоа мораме да го заборавиме што е можно побрзо нашиот последен натпревар. Имаме проблеми со повреди на некои играчи, но тоа значи дека другите играчи треба да го покажат најдоброто од себе. Мораме да играме успешно во напад, да покажеме добра партија. Но, ќе биде тешко да се игра против Вардар,кој е силен тим, лидер во групата во ЕХФ лигата на шампионите, и против еден од најдобрите голмани на светот. Тие сигурно ќе играат на Ф4 во СЕХА Газпром лигата.

Витали Чарапенка - играч на Мешков

- Нормално е за нас да играме два натпревари за една недела. Минатата сабота бевме среќни заради повредата над Порто. Се надевам ќе ја задржиме позитивната атмосфера до важниот меч со Вардар. Тие се силен тим и играат дома. Но, ние ќе се бориме до крај и ќе се обидеме на победиме.