Откако двете екипи одиграа натпревар од ЕХФ Лигата на шампионите, на истиот терен во Скопје, два дена подоцна Металург и ППД Загреб повторно ќе ги одмерат силите, овојпат во меч од 15 коло од Регионалната СЕХА ГСС лига. И повторно, гостите од Хрватска ја имаат улогата на фаворит, а македонскиот првак ќе има втора шанса за реванш. Тесно загуби во неделата, (22-20), во меч од ЕХФ лигата на шампионите, а сега, младите ракометари на Металург веќе имаат нов мотив, откако видоа дека можат да играат рамноправно со ППД Загреб.

Нивниот прв меч сезонава, во ноември, не се одигра откако Металург не отпатува за Загреб, па средбата реше регистрирана со резултат 10-0 за ППД Загреб.

Хрватскиот првак има обезбедено место на Ф4 турнирот, но мора да освоји бодови за да може да се надева на "полесен ривал". Сега нема поправен, и секој бод ќе значи зацрврстување во горниот дел, односно третото место, што е целта на клубот, или пак ново комплицирање на ситуацијата. И Металург мора да освои бодови, доколку сака да остане во игра за место што води на Ф4 турнирот, а се друго ќе значи шанса да им се дозволу на другите да излезат на крајот пред нив на табелата.

Дуелот се игра во салата "Борис Трајковски" во Скопје, 18 часот, а влезот е бесплатен.

 Лино Червар - тренер на Металург

Утре вторник повторно ќе се сретнеме со екипата на Загреб, за која сите знаеме дека е една од првите три во СЕХА лигата и која го обезбеди учеството во завршниот турнир на ова натпреварување. Ние овој натпревар ќе го искористиме како уште една шанса за нашите млади ракометари да стекнат дополнително искуство, да видат каде згрешија на првата средба и да се обидат тоа да го поправат. Повторно ги повикувам нашите навивачи да дојдат и на таа средба и да го поддржат нашиот млад тим. Загреб повторно е фаворит, а ние повторно ќе се обидеме што подобро да им се спротивставиме.

Филип Талески - играч на Металург

На вакви натпревари се стекнува искуство, на вакви тешки натпревари се станува добар играч. Ние и на оваа средба ќе се бориме и ќе го дадеме својот мксимум. Ја очекувам и поддршката на нашата публика, која сега најмногу ни е потребна.

Веселин Вујовиќ - тренер на ППД Загреб

Без оглед како изгледа, но овој натпревар од СЕХА лигата изгледа многу поважен за нас отколку од онаа од ЕХФ лигата на шампионите. Ние се бориме за подобра позиција во СЕХА лигата, ако можеме да го освоиме третото место. Мораме да играме многу подобро од натпреварот во неделата. Ова би била една сериозна проба за она што потоа не очекува, дуелот со Веспрем. Ќе имаме промена во составот, сигурно ќе биде во екипата Чориќ кој не беше на претходниот меч. Очекувам победа и да ја продолжиме низата да добри резултати.

Лука Шебетиќ - играч на ППД Загреб

Сегашниот двобој има некоја резултатска тежина, за разлика од недлениот натпревар. За нас секој меч е важен. Металург одигра со изменет состав што првпат го запознавме во неделата, бевме доста нервозни, и со дозволивме премногу технички грешки. Тоа треба да ни биде некоја поука за сегашниот натпревар. Очекувам да одиграме добро и да победиме.