Најавата на тренерот на Металуг, Лино Червар дека Загреб неможе за една недела двапати да одигра лошо се обистини уште во првото полувреме кога гостите во два наврати успеваа да се вратат во игра, па на крајот од првите 30 минути во соблекувалната да заминат и со предност од 15-13. На крајот стативата ги спаси гостите од пораз, а во второто полувреме Металург беше тој што направи пресврт во играта. Ремито, 27-27 веројатно е најправеден исход, зашто и двата тима има свои добри периоди во играта, но и падови.
Со бодов од Скопје, Загреб се искачи на првото место на табелата со 31 бод, а Металург остана на четвртото, со 19 бода, само еден повеќе од Мешков кој е петтопласиран.
 
Металург можеше да ги реши дилемите околу победникот уште во последната минута кога имаа водство од 27-26 и напад. Ударот на Никола Митревски го одбрани голманот Иван Стевановиќ, но топката удри во нозете на одбранбените играчи на Загреб, па скопјани повторно добија шанса за напад. Но, наместо мирно да завршат, направија техничка грешка по што гостите во полуконтра преку Сандо Обрадовиќ постигна гол што им донесе радост за реми.
Загреб водеше во второто полувреме до 44 минута која домаќините направија серија од 4-1 за водство 24-22. Неизвесноста во завршницата дојде откако Загреб два напади не реализираше под закана за пасивна игра, но на крајот стативата што ја погоди Атман не им донесе победа.
Десет минути во првото полувреме беше израмнето со голови, а потоа домаќините направија серија од 4-0 за водство 8-4. Павел Атман во тие моменти беше расположен за голови, врзувајќи серија од три по ред, а четири од петте гола на скопјани беа негово дело. Гостите не се предаваа па за девет минути од првото високо водство на Металург, успеа да намали на 9-8.
Како што Металург го имаше расположениот Атман, така кај Загреб Лука Шебетиќ беше одлична замена за Лука Степанчиќ. "Првиот" десен бек на гостите излезе од игра откако во еден дуел доби удар, а Шебетиќ потоа го вадеше својот кога имаше играч помалку. Од четирите гола што ги постигна во првото полувреме, три беа со играч помалку за Загреб.
Последните три минути од мечот, во три напади скопјани не реализираа, а тоа го искористија гостите за голови, преку Шебетиќ и Матулиќ.
Лука Шебетиќ со 8 гола беше најефикасен на средбата и кај Загреб, а Павел Атман со пет гола кај Металург.
За Загреб заврши годината во СЕХА лигата, додека Металург во вторник игра меч против Вардар.
 
 
Александар Петровски - помошник тренер на Металург
Се обидуваме да има укажеме на играчите дека ќе биде тешко на овој меч иако победивме во Загреб. Малку по нетрпеливи бевме во нападот. Ги имавме коцките во наши раце, имавме и напад, а потоа шанса и во последната секунда. И среќата не беше на наша страна. Се надевам дека ќе се сретнеме на фајнал фор турнирот повторно. Не очекува уште еден меч, со Вардар што мораме да го одиграме. Освоиме четири бода од две средби. Мора да бидеме и задоволни,
 
Филип Миркуловски - играч на Металург
Честитки за противникот кој одигра подобро, и поборбено отколку на првиот дуел во Загреб. Не ја повториме играта од Загреб. Двата тима можеме да бидеме задоволни од бодот. Имавме шанси. Премногу загубивме бодови дома сезонава во СЕХА лигата. Лани игравме подобро дома. Ќе се обидеме да надополниме на пролет и да играме на Фајнал фор турнирот.
 
 
Борис Дворшек - тренер на Загреб
Им честитам на момците за заслужениот бод. Ова е голем бод бидејќи дома загубивме. Бевме борбени, и имавме можеби и малку повеќе среќа на крајот. Игравме без оптоварување, покажавме дека можеме да одиграме добар меч. Мислам дека сите во салата беа задоволни од мечот. Заслужено земавме бод. Не би рекол дека жалиме, бидејќи Металург го имаше последниот напад. Заврши реално
 
 
Јосип Шандрк - играч на Загреб
Ова е наша најзрела игра досега. Влеговме без притисок во натпреварот, дека мора да се победи. Покажавме дека повеќето играчи можат многу да дадат на терен. Дека може добро да се носиме со секој противник. Во вториот дел од сезоната сигурен сум дека ќе покажеме повеќе.