Главнoто прашање од дуелот меѓу Вардар и Горење, во среда (17,45 ч. СЦ "Јане Сандански") е дали словенечкиот тим ќе може да издржи пред налетот на домашните играчи.

Двете екипи веќе играа меѓу себе во август во Словенија за време на подготовките за новата сезона, и Вардар двапати победи. Ова ќе биде нивна прва пресметка во СЕХА лигата.

Во новата сезона на СЕХА Газпром лигата Горење имаше два порази (од Целје и ППД Загреб) и еден триумф против Нексе. За Алем Тоскиќ и Матјаж Брумен натпреварот ќе биде со емоции бидејќи и двајцата претходно играа за Вардар.

Домашниот тим има речиси перфектен почеток со пет победи по ред во СЕХА лигата, плус гостинска победа во ЕХФ лигата на шампионите во неделата кај Кристијанштад. Мечот со Горење ќе биде уште едне тест пред следниот натпревар од ЕХФ лигата на шампионите против Мешков.

Раул Гонзалез, тренер на Вардар:
Ние сме лидери во СЕХА лигата и во среда играме со Горење. Се сретнавме двапати во Словенија на подготовките за новата сезона и двапати победивме, првиот пат со едноцифрена разлика, а потоа со 13 гола. Ние сме во добра форма и мораме да се фокусираме да го задржиме ритамот, да го покажеме квалитетот и да ги освоиме бодовите. Возбуден сум што ќе играме со Горење, особено поради тоа што во нивниот состав се Тоскиќ и Брумен, двајца наши поранешни ракометари, и се надевам гледачите ќе уживаат во играта. 

Стојанче Стоилов, играч на Вардар:
Како што кажа Раул Гонзалез, Вардар двапати играше натпревари со Горење во август. Но, тогаш двата тима беа во ек на подготовките за сезоната. Мораме да играме за уште една победа. Знаеме дека сме фаворити, но тоа мораме да го докажеме на терен. 

Марко Шибила, тренер на Горење:
Ние сме подготвени за натпреварот со Вардар, и планираме да го оставиме најдобриот возможен впечаток. Нивниот тим досега покажа дека Вардар е меѓу врвните европски ракометни тимови, со цел да стигнат на Фајнaл 4. Ние сме возбудени што во среда ќе играме со нив, и ќе може да ги споредиме нашите играчки вештини со нивните. Во нашиот тим сите играчи се здрави и добро подготвени, ќе се обидеме да ја испитаме ( истражиме) играта на Вардар и да се подготвиме за да им бидеме добри противници. Да се зборува за резултат на таков тип на натпревар е нонсенс. За нас, пред сѐ е стекнување на многу потребните Европски искуства, кои ќе ни бидат корисни во претстојните натпревари од сезонава.

Јоже Бажник, играч на Горење:
Во среда во Скопје се соочуваме со многу тежок натпревар. Тимот на вардар со досегашните натпревари покажа дека ќе бидат силен противник, тежок да се победи, и мислам дека ќе мора да го дадеме најдоброто од нас ако сакаме дома да се вратиме со бодови. Нашиот тим е физички добро подготвен и по последниот натпревар со Нексе, кој го игравме како домаќини, сите сакаме да одиме повисоко.